ప్రజా కవి కాళోజి

నలుబదైదు సంతకాల నటుడా? -కాళోజి నవంబర్ 25, 2006

నా నోటికాడి బుక్కను
నాణ్యంగా కాజేసిన
నాగరికుడా ‘విను’

నా నాగటి చాలులోన
నాజూకుగ పవ్వళించి
నను కాటేసిన
నాగరికుడా విను?

(మరింత…)

ప్రాంతం వాడే దోపిడి చేస్తే నవంబర్ 25, 2006

దోపిడి చేసే ప్రాంతేతరులను
దూరం దాకా తన్ని తరుముతం
ప్రాంతం వాడే దోపిడి చేస్తే
ప్రాణంతోనే పాతర వేస్తం
(మరింత…)

తెలంగాణ బాస -కాళోజి నవంబర్ 25, 2006

తెలంగాణ ‘యాస’ నెపుడు
యీసడించు భాషీయుల
‘సుహృద్భావన’ ఎంతని
వర్ణించుట సిగ్గుచేటు

(మరింత…)

కాటేసి తీరాలె –కాళోజి నవంబర్ 20, 2006

కాటేసి తీరాలెమన కొంపలార్చిన మన స్ర్తీల చెరచిన
మన పిల్లలను చంపి మనల బంధించిన
మానవాధములను మండలాధీశులను
మరిచి పోకుండగ గురుతుంచుకోవాలె
(మరింత…)

మనిషి ఎంత మంచివాడు -కాళోజి నవంబర్ 19, 2006

మనిషి ఎంత మంచివాడు
చనిపొయిన వాని చెడును
వెను వెంటనే మరుస్తాడు
కని మంచినె తలుస్తాడు

మనిషి ఎంత చెడ్డవాడు
బ్రతికివున్న మనిషిలోని
మంచినెపుడు గుర్తించుడు
చెడును వెతికి కెలుకుతాడు

–కాళోజి 

తినలేక/ తినలేక –కాళోజి నవంబర్ 19, 2006

ఒకడు కుతికెలదాక
మెక్కినోడు
మరొకడు మింగు మెతుకు
లేనోడు
ఇద్దరికీ గొంతు పెకలదు
ఇద్దరికీ ఊపిరాడదు
ఇద్దరి అవస్థకు
ఒకే కారణం –
తినలేక

–కాళోజి

ప్రత్యేక తెలంగాణ అంటే –కాళోజి నవంబర్ 18, 2006

ప్రత్యేక తెలంగాణ అంటే
పక్కలిరగ తన్నేందుకు
ఆ.ప్ర.రా. ప్రభుత్వాన్కి
అధికారము ఎక్కడిది?

(మరింత…)

నిర్వాకం –కాళోజి నవంబర్ 18, 2006

నమ్ముకొని పెత్తనము ఇస్తే
నమ్మకము పోగొట్టుకొంటివి

కుప్పకావలి ఉండి కట్టలు
తప్పదీస్తివి ముద్దెరేస్తివి
సాటివాడు చేరదీస్తే
నోటినిండా మన్ను గొడ్తివి

(మరింత…)

నేను – నా గొడవ –కాళోజి నవంబర్ 18, 2006

నేనంటే నేడు
నా గొడవంటే  నాడు
నిజమో కాదోకల రుజువు
నీవు నేనూ వాడూ
నేనంటె నేటి మనస్థితి వైనం
నెనంటె భరత పౌరుడు
నా గొడవ ఆ పౌరుని స్థితి
నేనంటే ఒక వోటరు
నా గొడవ వోటేసేవాడు
నేనంటే తిరుగుబాటు దారు
నా గొడవ మన తిరుగుబాటు

–కాళోజి

నడత నాణ్యం -కాళోజి నవంబర్ 18, 2006

దొంగవలె అందాల తొంగిచూచుట తప్పు
అగుపడిన అందాన్ని అరయకుండుట తప్పు
కనపడ్డ ప్రతిదాని కాసపడుటయు తప్పు
భంగపడి వాంఛలకు లొంగిపోవుట తప్పు
కినుకతో మదిలోన క్రుంగిపోవుట తప్పు
పైకి ప్రహ్లాదువలె పలుకుచుండుట తప్పు
సహజ ప్రవృత్తులను చంపివేయట తప్పు
సహజమని వృత్తుల చంకచేరుట తప్పు

–కాళోజి

లోకనాయక్ -కాళోజి నవంబర్ 18, 2006

పుటుక నీది
చావు నీది
బ్రతుకుంతా దేశానిది

———————
లోకెనాయక్ జయప్రకాశ్ నారయణ్ మరణించిన సందర్బంగా కాళోజి అన్న మాటలు

చాదస్తం -కాళోజీ నవంబర్ 18, 2006

ప్రతీ చాదస్తం దేవుడే
ఏదో ఒక రూపంలో గోకుడే
పుట్టుకతోనే పుట్టునీపుండు
అగపడక అంతరంగాననుండు
(మరింత…)

పోదాం పదరా!! నవంబర్ 18, 2006

పదరా పదరా పోదాం పదరా
తెలంగాణ సాధిద్దాం పదరా
దొంగల దూరం కొడదాం పదరా
వేరే రాజ్యం చేద్దాం పదరా           || పదరా ||

(మరింత…)

ఏటేటా ఎందుకు నీ పాట -కాళోజీ నవంబర్ 17, 2006

ఏడు మారినా ఈడు ముదిరినా
ఏమి మారినది యీ లోకంలో?
రాయి రువ్వినా రాకెట్ విసిరినా
గిట్టని వానిని కొట్టుటకే కద!
(మరింత…)

వ్యత్యాసాలు -కాళోజీ నవంబర్ 17, 2006

అన్నపురాసులు ఒక చోట
ఆకలిమంటలు ఒక చోట
హంసతూలిక లొకచోట
అలసిన దేహా లొకచోట
(మరింత…)